चीनको आलोचना गर्ने बेलायती सांसदलाई सात घण्टा सोधपुछ गरेर अफ्रिकाबाट डिपोर्ट
नेपाल प्रेस
२०८१ वैशाख १७ गते १७:०८
काठमाडौं । पूर्वी अफ्रिका भ्रमणमा पुगेका बेलायती सांसदलाई डिपोर्ट गरिएको छ । जीबुटी पुगेका सांसद टिम लाफटोनलाई स्वदेश फिर्ता गरिएको दाबी गरिएको छ ।
बेलायतको सत्ताधारी कन्जरभेटिब दलका सांसद उनले आफ्नो चीन विरोधी टिप्पणीको आधारमा डिपोर्ट गरिएको बताएका छन् ।
सात घण्टा नियन्त्रणमा राखेर उनलाई बेलायत डिपोर्ट गरिएको बताइएको छ । उनले जीबुटीको चीनसँगको राम्रो सम्बन्धको आधारमा आफूलाई डिपोर्ट गरिएको बताएका हुन् ।
आफू सांसद भएको भन्दाभन्दै बेलायत जाने पहिलो उडानबाट फिर्ता गरिएको उनले दाबी गरेका छन् । बीबीसीका अनुसार जीबुटीमा एक दिन बिताएका सांसदले जीबुटीका बेलायती राजदूतसमेत भेटाएका थिए ।
चीनको विदेश मन्त्रालयले भने यसलाई निराधार भएको टिप्पणी गरेको बीबीसीले उल्लेख गरेको छ ।
नेपाल प्रेस
प्रकाशित: २०८१ वैशाख १७ गते १७:०८
प्रतिक्रिया
सम्बन्धित खवर
