सय रुपैयाँको नोटमा चुच्चे नक्सा राख्ने मन्त्रिपरिषद्को निर्णय
नेपाल प्रेस
२०८१ वैशाख २१ गते १५:५९
काठमाडौं । सरकारले सय रुपैयाँको नोटमा नेपालको नक्साको तस्बिर परिवर्तन गर्ने भएको छ ।
आज बसेको मन्त्रिपरिषद बैठकले सयको नोटमा रहेको पुरानो नक्सा परिवर्तन गरेर चुच्चे नक्सा राख्न राष्ट्र बैंकलाई अनुमति दिने निर्णय गरेको हो ।
अर्थ मन्त्रालयले बैंक नोटमा रहेको तस्बिर परिवर्तन गर्ने प्रस्ताव मन्त्रिपरिषदमा लगेको थियो ।
भारत अधीनस्थ रहेका कालापानी–लिपुलेक क्षेत्र समेटेर बनाइएको चुच्चे नक्सालाई २०७७ सालमा संसदले अनुमोदन गरेको थियो ।
तर, सयको नोटमा नेपालको नक्सा पुरानै छ ।
नेपाल प्रेस
प्रकाशित: २०८१ वैशाख २१ गते १५:५९
प्रतिक्रिया
सम्बन्धित खवर
