लेभरकुजनको ५० औं अपराजित यात्रा
नेपाल प्रेस
२०८१ वैशाख ३१ गते ८:४०
काठमाडौं । जर्मनको लिग च्याम्पियन बायर लेभरकुजनले बोचुमलाई हराउँदै सबै प्रतियोगितामा अपराजित खेलको सङ्ख्या ५० पुर्याएको छ ।
आइतबार भएको खेलमा बोचुमलाइ ५–० गोलले हराउदै लेभरकुजनले अपराजित यात्रको रेकर्डलाई थप मजवुत बनाएको हो । खेलमा लेभरकुजनको तर्फबाट प्याट्रिक सिकले लेभरकुजनलाई अग्रता दिलाएका थिए ।
त्यसपछि भिक्टर बोनिफेसले पेनाल्टीबाट अग्रता दोब्बर बनाए । दोस्रो हाफमा अमिन एडलीले कर्नरबाट हेडरमार्फत तेस्रो गोल थपे भने जोसिप स्टानिसिक र एलेक्स ग्रिमाल्डोले एक–एक गोल गरे ।
यो सिजनको एक खेल खेल्न बाकी रहेको लिभरकुजनले त्यो खेल पनि जितेको खण्डमा कुनै खेल नहारी लिग जित्ने रेकर्ड समेत राख्ने छ ।
ज्याभी ओलन्सोको टोलीलाई अब एक अजेय ट्रेबलको तयारीमा समेत लागेको छ ।
नेपाल प्रेस
प्रकाशित: २०८१ वैशाख ३१ गते ८:४०
प्रतिक्रिया
सम्बन्धित खवर
