लिग चरणको अन्तिम खेलमा मलेसियाले नेपालविरुद्ध टस जितेर फिल्डिङ रोज्यो

काठमाडौं । ट्राई नेसन ट्वान्टी-२० अन्तर्राष्ट्रिय सिरिजको समूह चरणको अन्तिम खेलमा मलेसियाले नेपालविरुद्ध टस जितेर फिल्डिङ रोजेको छ ।

त्रिवि क्रिकेट मैदानमा केही बेरमा सुरु हुने खेलमा प्रतियोगिताबाट बाहिरिसकेको मलेसियाका कप्तान अहमद फैजले फिल्डिङ गर्ने निर्णय लिएका हुन् ।

सुरुआती तीन खेलमा जितविहीन मलेसिया प्रतियोगिताबाट बाहिरिसकेको छ भने नेपाल र नेदरल्यान्ड्स फाइनलमा पुगिसकेका छन् ।

एक खेल अगावै फाइनलमा स्थान बनाइसकेको नेपालले टोलीमा दुई परिवर्तन गरेको छ । यसै प्रतियोगिताबाट ट्वान्टी-२० अन्तर्राष्ट्रियमा डेब्यू गरेका साहब आलमको स्थानमा सुशन भारीले मौका पाएका छन् भने अविनाश बोहराको स्थानमा कमलसिंह ऐरीले मौका पाएका छन् ।