माधव नेपालको दाबी- हाम्रो पार्टीप्रति जनताको निकै ठूलो आशा छ (भिडिओ)

काठमाडौं । नेकपा एकीकृत समाजवादीका अध्यक्ष माधव नेपालले नेपालको राजनीतिमा आफ्नोप्रति जनताको निकै ठूलो आशा र अपेक्षा रहेको दाबी गरेका छन्।

केन्द्रीय कमिटी बैठकलाई सम्बोधन गर्दै पार्टीप्रति कुनै किसिमको भ्रम राख्नुपर्ने आवश्यक नभएको बताए।

उनले भने- हाम्रो पार्टी क्रान्तिकारी कम्युनिष्ट पार्टी हो। सबै चुनौतीको सामना गर्दै परिवर्तनको अग्रपङ्क्तिमा उभिने पार्टी हो। हामी बलियो हुन्छौँ भन्ने आत्मविश्वासका साथ अगाडि बढेका छौँ। विगतको समीक्षा र मूल्याङ्कन गर्ने काममा हामीले विचार गर्नुपर्छ। अहिले पनि नेपालको राजनीतिमा हाम्रो पार्टीप्रति जनताको निकै ठूलो आशा र अपेक्षा छ। अझै पनि हामीसँग गोलबद्ध भएका ठूलो पङ्क्ति विद्यमान छन्। कसरी हामीले राजनीतिक र वैचारिक रूपमा प्रशिक्षित गर्ने, संगठनात्मक रूपमा आबद्ध गर्ने, राम्ररी क्रियाशील बन्दै जनताको आशा र भरोसाको उपयुक्त केन्द्र बन्ने विषय अगाडि सार्नुपर्छ ।

उनले आज भोलिका ताजा घटनाक्रमले पनि एमालेबाट आफूहरूले विद्रोह गरेको औचित्य पुष्टि गरिरहेको दाबी गरे ।