नेकपा एसको केन्द्रीय कमिटीकाे बैठक आज पनि जारी

काठमाडौं । नेकपा एकीकृत समाजवादीको केन्द्रीय कमिटीको आठौँ बैठक ललितपुरको बालकुमारीमा जारी छ ।

पार्टीको आगामी पार्टीको राष्ट्रिय महाधिवेशन केन्द्रीत बैठक आज दोश्रो दिन बिहान १० बजे बस्दै छ । बैठकमा राष्ट्रिय महाधिवेशन पेस हुने प्रतिवेदनमाथि छलफल जारी छ ।

बैठकमा हिजो अध्यक्ष माधवकुमार नेपालले राजनीतिक , सम्मानीत नेता झलनाथ खनालले पार्टीको समाजवादी कार्यक्रम, उपाध्यक्ष बेदुराम भुसालले विधान संशोधन, महासचिव घनश्याम भुसालले सांगठानिक प्रतिवेदन प्रस्तुत गरेका थिए । प्रस्तुत प्रतिवेदन उपर १२ वटा समुह विभाजन गरी छलफल भइरहेको छ ।

समुहगत छलफलबाट आएका निष्कर्षलाई आज टोली नेताले प्रस्तुत गरेपछि प्रतिवेदनमा समावेश गरी प्रतिवेदनलाई अन्तिम रुप दिइने छ ।
एकीकृत समाजवादीले असार १६ देखि २० गतेसम्म काठमाडौँमा महाधिवेशनको तयारी गरेको छ । यस विषयमा पनि केन्द्रीय कमिटी बैठकमा छलफल जारी छ ।