काठमाडौंको प्रगति टोलमा निःशुल्क आँखा शिविर

काठमाडौं । काठमाडौंकाे गाेठाटारस्थित प्रगति टोलमा ४० वर्षभन्दा माथिको उमेर समूहलाई लक्षित गरेर आँखा शिविर सञ्चालन गरिएको छ ।

प्रगति टोल विकास समिति र किवनिज क्लब अफ काठमाडौं सनसाइनले शनिबार ४० वर्षभन्दा माथिको उमेर समूह लक्षित गरी उक्त निःशुल्क आँखा शिविर सञ्चालन गरेका हुन् ।

भक्तपुरस्थित ख्वप तिलगंगा आँखा अस्पतालको प्राविधिक सहयोगमा भएको शिविरमा आँखा जाँचसँगै आवश्यकअनुसार औषधि र चस्मा वितरण गरिएको आयोजक प्रगति टोल विकास समितिले जनाएको छ ।