मधेशका मुख्यमन्त्रीसँग लोसपा सांसद महतोको प्रश्न- किन गुम्यो दुई अर्ब बजेट ?

जनकपुरधाम । मधेश प्रदेश सरकारको लापरबाहीले आगामी आर्थिक वर्षका लागि २ अर्ब रुपैयाँको बजेट गुमेको भन्दै मुख्यमन्त्रीसँग लोसपाका सांसद उपेन्द्र महतोले जवाफ माग गरेका छन् ।

प्रदेशसभा बैठकमा बोल्दै प्रतिपक्षी दल लोसपाका सांसद महतोले प्रदेश सरकारको कमजोरीले दुई अर्ब बजेट गुमेको गुनासो गरे ।

उनले भने, ‘प्रदेश सरकारले आगामी आवका लागि विशेष र समपूरक अनुदान माग्नुपर्ने थियो, तर नमाग्दा २ अर्ब कम बजेट आएको छ । यसको जिम्मेवारी कसले लिने ? मुख्यमन्त्रीले सदनमा जवाफ दिनुपर्छ ।’

सांसद महतोले बजेटमा केन्द्रीय सरकारले अहिले पनि विभेद गरेको भन्दै दुःख व्यक्त गरे । उनले मधेशमा २१ प्रतिशत जनसंख्या रहँदा मात्र ११ अर्ब ३५ करोड र कर्णालीमा मात्र ६ प्रतिशत जनसंख्या रहँदा १६ अर्ब विनियोजन गरेको छ ।’