ओलीको पोष्टमा बालेनको कमेन्ट- गुड नाइट केपी बा

काठमाडौं । नेकपा एमालेका अध्यक्ष केपी शर्मा ओलीको पोष्टमा काठमाडौं महानगरपालिका मेयर बालेन्द्र शाह (बालेन) ले ’गुड नाइट केपी बा’ भन्दै कमेन्ट लेखेका छन् । ओलीले श्रीमती राधिकासहित राखेको स्टाटसमा बालेनले गुड नाइट कमेन्ट गरेका हुन् ।

ओलीले लेखेका छन्, ‘फेसबुक नहेरेको पनि झण्डै एक साता पुग्न लागेछ। राधिका र म गोसाइँकुण्ड जाँदाको फोटो मोबाइलको फोटो ग्यालरीमा भेटियो। यो गर्मीमा गोसाइँकुण्ड सम्झँदा पनि शीतल महसुस हुन्छ ।’ बालेनले यही स्टाटसमा कमेन्ट गरेका हुन् । उनको कमेन्टमा पोस्टमा भएको जम्मै लाइकभन्दा बढी लाइक आएको छ ।

न्यूरोडमा फुटपाथ बनाउने विषयमा महानगर र सडक विभागबीच भएको विवादमा बालेनले आजै ओलीलाई गिरीबन्धु टीस्टेटसँग जोडेर स्टाटस लेखेका थिए । उक्त स्टाटसमा असुन्तुष्टि रहेको ओलीले आजै सञ्चारकर्मीहरुलाई गिरीबन्धु टीस्टेटबारे बालेनलाई प्रश्न गर्न भनेका थिए ।