बजेटको छलफलमा लिङ्देनले खोजे अर्थमन्त्री, बोल्न नमानेपछि उपसभामुखसँग सवालजवाफ (भिडिओ)
नेपाल प्रेस
२०८१ जेठ २२ गते १४:१०
काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले प्रतिनिधिसभाको बैठकमा अर्थमन्त्री वर्षमान पुन खोजेका छन् । अर्थमन्त्री पुनलाई नदेखेको भन्दै उनले बोल्न मानेनन् ।
उपभामुख इन्दिरा रानाले अर्थमन्त्री राष्ट्रियसभामा गएको जवाफ दिएपनि आफ्नो कुरा कसलाई सुनाउने ? भन्दै प्रतिप्रश्न गरे ।
उनले भने, ‘सत्तापक्षले त छलफल गरेरै ल्याएको होला । हामीले त सुनाउने यहीँ हो । त्यसैले उहाँ आएपनि मात्रै मेरो कुरा राख्छु ।’
खानेपानीमन्त्री सदनमै उपस्थित रहेको भन्दै उपसभामुखले आफ्नो कुरा राख्न लिङ्देनलाई अनुरोध गर्दै उनले मानेनन् ।
उनले भने ‘अर्थमन्त्री नै चाहिन्छ नि ! खानेपानीमन्त्रीले म सक्छु भन्नुभयो भने ठीक छ । अर्थमन्त्री आएपछि सुरू गरौं अहिलेलाई ब्रेक गरौं ।’
नेपाल प्रेस
प्रकाशित: २०८१ जेठ २२ गते १४:१०
प्रतिक्रिया
सम्बन्धित खवर
