सञ्चारकर्मी ईश्वरी बरालको ‘माया छ कि छैन’ म्यूजिक भिडियो सार्वजनिक (भिडियो)

काठमाडौं । सञ्चारकर्मी एवम गायिका ईश्वरी बरालको नयाँ गीत ‘माया छ कि छैन’ म्यूजिक भिडियो सार्वजनिक भएको छ । गीतको भिडियोमा चर्चित कलाकार आर्यन सिग्देल, सुजल बम र मोनिका बोहराको अभिनय रहेको छ ।

भिडियोमा गायिका बरालको पनि नृत्य र अभिनय रहेको छ । गीत श्री ईश्वरी प्रडक्सन युटुव च्यानलबाट सार्वजनिक भएको हो । म्युजिक भिडियोको छायाङ्कन ललितपुर हरिसिद्धिस्थित इट्टा तथा टायल कारखाना र थापाथलिस्थित चियावालाकोमा गरिएको छ । भिडियोका निर्देशक मुस्कान ढकाल हुन् भने छायाङ्कन नवराज उप्रेतीको छ । शिशिर खाती कोरियोग्राफि गरेको गीतमा शब्द, सङ्गीत र एरेन्ज विपिन आचार्यको रहेको छ ।

गीत कपुरधारास्थित एम बी म्युजिक रेकर्डिङ स्टुडियोमा रेकर्ड गरिएको हो । गायिका बरालका यसअघिका चर्चित गीतमा नरिसाउन होइ, खानदानी छोरी लगायत रहेका छन् ।