मोदीसँगै भारतमा ११ दलका ७२ मन्त्रीको सपथ, मोदीले भेट्टाए नेहरुको रेकर्ड

काठमाडौं । भारतीय प्रधानमन्त्रीले तेस्रो कार्यकालको लागि प्रधानमन्त्रीको सपथ ग्रहण गरेका छन् ।

भारतको राजधानी नयाँ दिल्लीको राष्ट्रपति भवनमा नेपाल लगायतका विभिन्न राष्ट्रका सरकार तथा राष्ट्र प्रमुख तथा भारतका उच्च संवैधानिक, राजनीतिक, कूटनीतिक तथा सार्वजनिक क्षेत्रमा व्याक्तित्वहरुको उपस्थितिमा मोदीको शपथ भएको हो ।

यो सपथसँगै मोदी लगालग तीन पटक प्रधानमन्त्री बन्न सफल स्वतन्त्र भारतका प्रथम प्रधानमन्त्री जवाहरलाल नेहरुको हाराहारीमा पुगेका छन् । आफ्नो सपथ सँगै मोदीले ७२ मन्त्रीहरुको शपथ गराएका छन् । ७२ फुल तथा राज्य मन्त्रीहरुमा २४ राज्यका मोदीको गठबन्धनका ११ दलका नेताहरु भएको भारतीय टेलिभिजन एनडिटभीले उल्लेख गरेको छ ।