यशस्वी पुस्तक पुरस्कारका लागि पुस्तक आह्वान, पुरस्कृत पुस्तकले २० हजार पाउने

काठमाडौं । यशस्वी प्रज्ञा प्रतिष्ठानले यशस्वी पुस्तक पुरस्कार २०८१ को लागि पुस्तक आह्वान गरेको छ ।

नेपाल तथा नेपाल बाहिरका नेपाली लेखकहरुले लेखेका नेपाली तथा अंग्रेजी भाषाका पुस्तकहरुको आह्वान गरिएको हो । २०८० चैत मसान्तसम्म लेखिएका किताबहरु पुरस्कारको लागि आह्वान गरिएको छ ।

पुस्तकहरु लेखक तथा प्रकाशकहरुले यशस्वी प्रज्ञा प्रतिष्ठानको कार्यालय घटेकुलो, काठमाडौँमा २०८१ असार २१ सम्म बुझाउनुपर्ने छ ।

पुरस्कृत पुस्तकको पुरस्कार २०८१ भाद्र २२ गते शनिबार हुने तेस्रो काठमाडौं कलिंग–साहित्य महोत्सवमा प्रदान गरिने यशस्वी प्रज्ञा प्रतिष्ठानकी निर्देशक रञ्जना निरौलाले जानकारी दिइन् । पुरस्कृत पुस्तकले बीस हजार राशी पाउनेछन् ।