फ्लोर क्रस गर्ने देवकोटालाई माओवादीले गर्यो कारबाही
नेपाल प्रेस
२०८१ जेठ ३२ गते १६:२३
पोखरा । गण्डकी प्रदेशमा फ्लोर क्रस गरेर मुख्यमन्त्री सुरेन्द्रराज पाण्डेलाई मत दिएका फणीन्द्र देवकोटा नेकपा माओवादी केन्द्रले कारबाही गरेको छ ।
माओवादी संसदीय दलमा रहेको ह्विप विपरीत मुख्यमन्त्रीलाई विश्वासको मत दिएका देवकोटालाई माओवादीले कारबाही गरेको हो ।
कारबाही गरेको पत्र सभामुख कृष्णप्रसाद धितालले आजै प्रदेशसभाबाट पढेर सुनाए तयारी गरेका छन् । सभामुखले सभामा पढेर सुनाएसँगै देवकोटा पदमुक्त हुनेछन् ।
मुख्यमन्त्रीलाई विश्वासको मत दिएका देवकोटा ऊर्जा, जलस्रोत तथा खानेपानी मन्त्री बनेका छन् ।
उनले जेठ २८ मा माओवादीको ह्विप विपरीत मुख्यमन्त्रीलाई विश्वासको मत दिएका थिए । त्यसपछि माओवादीले उनलाई स्पष्टीकरण सोधेको थियो ।
नेपाल प्रेस
प्रकाशित: २०८१ जेठ ३२ गते १६:२३
प्रतिक्रिया
सम्बन्धित खवर
