सांसदबाट हटाउने माओवादीको निर्णयविरुद्ध फणीन्द्र अदालत जाने (भिडिओ)

पोखरा । नेकपा माओवादी केन्द्रले गरेको कारबाहीविरुद्धविरुद्ध फणीन्द्र देवकोटा अदालत जाने भएका छन् । माओवादीको कारबाहीपछि देवकोटाले पत्रकार सम्मेलन गर्दै कारबाहीविरुद्ध अदालत जाने बताएका हुन् । माओवादीको कारबाही असंवैधानिक र गैरकानुनी भएको भन्दै कानुनी लडाइँ लड्ने उनको भनाइ छ ।

गण्डकी प्रदेशमा फ्लोर क्रस गरेर मुख्यमन्त्री सुरेन्द्रराज पाण्डेलाई मत दिएका फणीन्द्र देवकोटा नेकपा माओवादी केन्द्रले गरेको कारबाहीको पत्र प्रदेशसभालाई पठाएको थियो । कारबाही गरेको पत्र सभामुख कृष्णप्रसाद धितालले प्रदेशसभाबाट पढेर सुनाएसँगै देवकोटा पदमुक्त भएका छन् ।

मुख्यमन्त्रीलाई विश्वासको मत दिएका देवकोटा ऊर्जा, जलस्रोत तथा खानेपानीमन्त्री बनेका छन् । उनले जेठ २८ मा माओवादीको ह्वीपविपरीत मुख्यमन्त्रीलाई विश्वासको मत दिएका थिए । त्यसपछि माओवादीले उनलाई स्पष्टीकरण सोधेको थियो ।