सम्हालिएर खेल्दै दक्षिण अफ्रिका, नेपालको बलिङ स्पिन केन्द्रित

काठमाडौं । टी–२० विश्वकपमा नेपाल दक्षिण अफ्रिकाले नेपालविरुद्ध ब्याटिङ गरिरहेको छ । फरक रणनीतिसहित नेपालले दक्षिण अफ्रिकाविरुद्ध आफ्नो आक्रमण स्पिनमा केन्द्रित गरिरहेको छ ।

पावरप्लेको ६ ओभर सकिँदा दक्षिण अफ्रिकाले एक विकेट क्षतिमा ३८ रन जोडेको थियो । नेपालका स्पिनर दिपेन्द्रसिंह ऐरीले तेस्रो ओभरमा नै विकेट लिएपछि दक्षिण अफ्रिका केही दवावमा आयो ।

तर रिजा हेन्ड्रिक्स र कप्तान एडियन म्याक्रमले सम्हालिएर खेल्दै दक्षिण अफ्रिकाको इनिङ अगाडि बढाइरहेका छन् । अहिलेसम्म बलर र ब्याट्सम्यान दुवै हावी हुन सकिरहेका छैनन् ।

नेपालका स्पिनर सन्दीप लामिछाने दुई उत्कृष्ट ओभर फ्याँके । उनले दुई ओभरमा केवल चार रन खर्चिए । सन्दीपलाई खेल्न दक्षिण अफ्रिकी ब्याट्सम्यानहरुलाई कठिन भइरहेको छ । अन्य बलरको तुलनामा सन्दीपले राम्रो टर्न प्राप्त गरेका छन् ।

नेपालका फास्ट बलर सोमपाल कामीले पनि राम्रो सुरुवात गरेका छन् । उनले दुई ओभरमा ६ रन खर्चिए । करण केसीले एक ओभरमा नौ रन र कुशल मल्लले दुई ओभरमा १७ रन खर्चिएका छन् । यसैगरिी कुशल भुर्तेलले पहिलो ओभरमा ४ रन दिएका छन् ।

नेपाले १० ओभरको खलमा चार जना स्पिनर प्रयाेग गरिसकेको छ । दिपेन्द्र, सन्दीप, कुशल मल्ल र कुशल भुर्तेललाई कप्तानले उतारेका हुन् ।