राज्यमन्त्री मानन्धरले एकल गायनमार्फत् विश्व रेकर्ड कायम गर्दै

काठमाडौं | शहरी विकास राज्यमन्त्री रामवीर मानन्धरले एकल गायनमा विश्व रेकर्ड कायम गर्ने भएका छन् । बिहीबार दिउँसो १ बजे बालाजुस्थित अष्टनारायण चलचित्रहलमा सुरु भएको कार्यक्रममा एकल गायनमार्फत् राज्यमन्त्री मानन्धरले विश्व रेकर्ड कायम गर्न लागेका हुन् ।

राज्यमन्त्री मानन्धरले वर्ल्ड बुक अफ रेकर्ड युकेको बहालवाला मन्त्रीको एकल कन्सर्ट विधामा विश्व रेकर्ड कायम गर्न लागेका हुन् । कन्सर्ट नेपाल टेलिभिजनबाट प्रत्यक्ष प्रशारण भइरहेको छ । उनले यो विधामा विश्वमै पहिलोपटक गीत गाउन लागेका छन् । उनले करिब ४ घण्टासम्म गीत गाउनेछन् ।

लाइभ कन्सर्टमा पुराना कलाकारहरूका नेवारी गीत गाउने राज्यमन्त्री मानन्धरले बताए । विश्व रेकर्ड कायम गराउनका लागि वर्ल्ड बुक अफ रेकर्ड युकेको टोली नेपाल आइसकेको छ ।