‘यो मनको कुरा’मा गरिमा शर्मा र धुव्र जिसिको रोमान्स (भिडिओ)

काठमाडौं । नायिका गरिमा शर्मा र मोडल धुव्र जिसि फिचर्ड नयाँ म्युजिक भिडिओ ‘यो मनको कुरा’ सार्वजनिक भएको छ । निर्देशक सोनम पार्खिन निर्देशित भिडियोमा गरिमाको र धुव्रको प्रेम र रोमान्स देख्न सकिन्छ। भिडियोमा देखाइएको सुन्दर लोकेसन र दृष्यहरुले भिडियोलाई झनै आकर्षक बनाएको छ ।

झण्डै ५ मिनेट लामो गीतमा गरिमा र धुव्रले गीतलाई न्याय दिने काम गरेका छन् । नेपाली कलाकारिता क्षेत्रमा निरन्तर रुपमा सक्रिय रही काम गरिरहेकी गरिमाले म्युजिक भिडियोमा मात्र नभएर चलचित्रमा समेत आफ्नो कामको जादु छरिसकेकी छन् । यता धुव्रको भने यो डेब्यु म्युजिक भिडियो हो । बिजनेस क्षेत्रबाट कलाकारिता क्षेत्रमा आएका उनले पनि भिडियोमा उत्कृष्ट काम गरेका छन् ।

शुक्रबार सार्वजनिक भएको यस गीतमा सुरेश लामा र अनु चौधरीको स्वर छ । सार्वजनिक प्रेमिल भावको गीतमा विष्णु भण्डारीको शब्द र सरोज पोखरेलको संगीत छ । गीतमा देबेश राईको एरेन्ज, रत्न बिकको बाँसुरी र नरेश बिबिसिको मिक्सिङ तथा मास्टरिङ छ ।

यता भिडियोमा भने प्रकाश तामाङको कोरियोग्राफी रहेको छ । दिनेश पराजुलीको सिनेमाटोग्राफी रहेको गीतको भिडियोलाई विकास ढकालले सम्पादन गरेका छन। त्यसै गरी, पब्लिसिटि डिजाईनरमा विजय बस्याल रहेका छन भने प्रोडक्सन म्यानेजरमा नवराज पौडेल छन् ।

भिडिओ