ओखलढुङ्गमा पहिरोले पुरिएर एकको मृत्यु, दुईजना घाइते

विराटनगर । पहिरोले पुरिएर ओखलढुङ्गमा एक जनाको मृत्यु भएको छ । ओखलढुङ्गको चिसाङ्ग गढी गाँउपालिका ५ मा पहिरो खस्दा २ जना घाइते भएका छन् । जिल्ला प्रहरी कार्यालयउ ओखलढुङ्गका अनुसार पहिरो खस्दा स्थानीय देवकुमारी खत्रीको मृत्यु भएको छ ।

पहिरोले किच्दा देवकुमारीका श्रीमान बावुराम खत्री र उनका छोरी मेनुका खत्री घाइते भएका छन् । उनीहरुको उपचारका लागि अस्पताल लगिएको प्रहरीले जनाएको छ । पहिरो खस्दा उनीहरुको घर र गोठ पुरिएको छ ।