पोर्चुगललाई पेनाल्टी सुटआउटमा हराउँदै फ्रान्स सेमिफाइनलमा
नेपाल प्रेस
२०८१ असार २२ गते ६:५४
काठमाडाैं। पोर्चुगललाई पेनाल्टी सुटआउटमा हराउँदै फ्रान्स युरो २०२४ को सेमिफाइनलमा प्रवेश गरेको छ ।
छैटौं पटक सेमिफाइनल प्रवेशको क्रममा फ्रान्सले यो पटक पेनाल्टी सुट आउटको साहारा लिन पर्यो ।
निर्धारित समय र अतिरिक्त समयमा दुवै टोलीले गोल गर्न नसकेपछी खेलमा पेनाल्टी सुटआउट बाट नतिजा निक्लेको हो । फ्रान्स पेनाल्टी सुटआउटमा ५–३ गोलले विजयी बन्यो ।
यो सँगै दोश्रो पटक युरो जितेर सुखद विदाइ लिने रोनाल्डोको सपना साकार हुन सकेन । युरो २०२४ उनको अन्तिम ठूलो प्रतियोगिता हुने अनुमान गरिएको छ ।
रोनाल्डोले सन् २००४ देखि नियमित रूपमा युरोकपमा सहभागिता जनाउँदै आएका छन् । उनी युरोकपमा सबैभन्दा बढी खेल खेल्ने र गोल गर्ने खेलाडी पनि हुन् ।
युरो कपको सेमिफाइनलमा अब स्पेन र फ्रान्स भिड्नेछन् ।
नेपाल प्रेस
प्रकाशित: २०८१ असार २२ गते ६:५४
प्रतिक्रिया
सम्बन्धित खवर
