भारी वर्षाले हवाई उडान प्रभावित
नेपाल प्रेस
२०८१ असार २२ गते १०:४२
काठमाडौं । अविरल वर्षाका कारण हवाई उडानहरु प्रभावित भएका छन् ।
निरन्तरको वर्षाले भिजिबिलिटी कम भएपछि हवाई उडानहरु प्रभावित भएको हो ।
त्रिभुवन अन्तर्राष्ट्रिय विमानस्थलबाट आन्तरिक तर्फको उडान डिले भइरहेको छ । विहान ७ बजेदेखि आन्तरिक उडानहरु डिले भएकाे छ ।
अन्तर्राष्ट्रिय उडान भने नियमित रहेको त्रिभुवन विमानस्थलका प्रवक्ता सुवास झाले बताए ।
उनले भने,‘अन्तर्राष्ट्रिय तर्फ सबै सामान्य नै रहेको छ । ठूलो पानी परेको बेला उडान केही ढिला हुन सक्छ तर अहिलेसम्म सामान्य नै रहेको छ । आन्तरिक तर्फ भने उडान डिले भइरहेको छ । ’ जल तथा मौसम विज्ञान विभागका अनुसार आज देशभर वर्षा भइरहेको छ ।
नेपाल प्रेस
प्रकाशित: २०८१ असार २२ गते १०:४२
प्रतिक्रिया
सम्बन्धित खवर
