कैलालीमा बिहीबारदेखि एक साता निषेधाज्ञा
नेपाल प्रेस
२०७८ वैशाख १४ गते १६:४९
कैलाली । तीव्र गतिमा कोरोना संक्रमण फैलिन थालेपछि कैलालीमा बिहीबारदेखि एक साता निषेधाज्ञा हुने भएको छ ।
मंगलबार जिल्ला कोभिड १९ संकट व्यवस्थापन केन्द्रले सिफारिस गरेअनुसार जिल्ला प्रशासन कार्यालयले कैलालीले १६ गतेदेखि २२ गतेसम्म निषेधाज्ञा जारी गरेको हो ।
जिल्ला प्रशासन कार्यालय कैलालीलाई तत्काल कडा रूपमा लकडाउन गर्न सरोकारवालाहरूले सुझाव दिएका थिए । उनीहरूले सीमा व्यवस्थापन गर्न समेत आग्रह गरेका छन् ।
सोमबार कैलाली र कञ्चनपुरमा ‘नाइट लकडाउन’ गर्ने सहमति भएको थियो । संक्रमण तीव्र भएपछि निषेधाज्ञा गरिएको कैलालीका प्रमुख जिल्ला अधिकारी खगेन्द्र रिजालले जानकारी दिए ।
निषेधाज्ञा अवधिमा अत्यावश्यक सेवाबाहेकका सम्पूर्ण गतिविधि बन्द गरिएको उनले बताए ।
नेपाल प्रेस
प्रकाशित: २०७८ वैशाख १४ गते १६:४९
प्रतिक्रिया
सम्बन्धित खवर
