बूढानीलकण्ठमा एटीएम फोडेर पैसा चोर्न खोज्ने २ जना पक्राउ

काठमाडौं । काठमाडौंको बूढानीलकण्ठमा एटीएम फोडेर पैसा चोर्न खोजेको आरोपमा दुई जना पक्राउ परेका छन् । पक्राउ पर्नेमा नुवाकोटका ३४ वर्षीय श्यामबहादुर घले र १९ वर्षीय सुजन तामाङ रहेका छन् ।

उनीहरुले माच्छापुच्छ्रे बैंकको एटिएम फोडेर भागिरहेको अवस्थामा पक्राउ गरिएको प्रहरीले जनाएको छ । एटीएम फोर्न प्रयोग भएको रड पनि बरामद भएको छ । उनीहरुमाथि अनुसन्धान भइरहेको छ ।