अनेरास्ववियु भोजपुरमा नयाँ नेतृत्व, निशानको अध्यक्षतामा बन्यो सर्वसम्मत कमिटी

काठमाडौं । नेकपा एमाले निकट विद्यार्थी संगठन अनेरास्ववियु भोजपुरको नयाँ नेतृत्व चयन भएको छ । निशान राईको अध्यक्षतामा सर्वसम्मत कमिटीको चयन गरिएको हो ।

अनेरास्ववियु भोजपुर जिल्लाको २४ औं जिल्ला अधिवेशन राईको नेतृत्वमा ३१ सदस्य कमिटी सर्वसम्मत चयन गरिएको हो । उपाध्यक्षमा सन्तोष गिरी महासचिवमा सुवास नेपाल, उपसचिवमा खुलातर्फ विज्ञान श्रेष्ठ, महिलातर्फ कोपिला प्रधान, खुल्लातर्फ मनोज विश्वकर्मा र कोषाध्यक्षमा मेलिना राई निर्वाचित भएका छन् ।

नवनिर्वाचित कमिटीलाई एमाले भोजपुरका सचिव एक्सन राईलगायतले बधाईसहित सफल कार्यकालकने शुभकामना पनि दिएका छन् ।