स्याङजामा पँधेरोमा डुबेर दुई बालिकाको मृत्यु

पोखरा । स्याङजामा पँधेरोमा डुबेर दुई बालिकाको मृत्यु भएको छ । स्याङजाको पुतलीबजार नगरपालिका–४ रामकोशमा पँधेरोमा डुबेर नरेन्द्रबहादुर थापाका दुई छोरीको मृत्यु भएको जिल्ला प्रहरी कार्यालय कास्कीले जनाएको छ ।

आइतबार दिउँसो पँधेरोमा डुबेर १४ वर्षीय लक्ष्मी थापा र उनकी बहिनी १२ वर्षीय सुस्मिता थापाको मृत्यु भएको स्याङजा प्रहरीका सूचना अधिकारी डिएसपी इन्द्रबहादुर रानाले जानकारी दिए ।

घरदेखि ५०० मिटर टाढा रहेको पँधेरोमा नुहाउन र कपडा धुनका लागि गएकोमा डुबेर मृत्यु भएको डिएसपी रानाले बताए ।