प्रधानमन्त्री ओलीको प्रतिक्रिया- जिम्मेवारी आएको छ, सफलतासाथ पूरा गर्छु

काठमाडौं । नवनियुक्त प्रधानमन्त्री केपी शर्मा ओलीले आफूले पाएको जिम्मेवारी सफलताका साथ पूरा गर्ने बताएका छन् । आइतबार चाैथाेपटक प्रधानमन्त्री नियुक्त भएका ओलीले आफ्नै निवास बालकोटमा सञ्चारकर्मीहरुलाई संक्षिप्त प्रतिक्रिया दिँदै यस्तो बताएका हुन् ।

उनले भने, ‘एउटा जिम्मेवारी आएको छ, सफलताका साथ पूरा गर्छु ।’ बाढीपहिरोको जिज्ञासामा उनले थपे, ‘त्यसको अविलम्ब समस्याको समाधान गर्नेगरी काम गर्छु ।’