ट्रम्पका उपराष्ट्रपति उम्मेदवार भए चर्चित लेखक तथा सिनेटर भेन्स

काठमाडौं । अमेरिकी राष्ट्रपति चुनाव दौडमा रहेका पूर्वराष्ट्रपति डोनाल्ड ट्रम्पले आफ्ना उपराष्ट्रपतिमा चर्चित लेखक तथा सिनेटरलाई छानेका छन् ।

ओहिओ राज्यका सिनेटर तथा हिलबिली एलिजी र अ रेलिभेन्ट फेथः सर्चिङ फर मिनिङफुल अमेरिकन जस्ता चर्चित किताब लेखेका लेखक जेडी भेन्सलाई ट्रम्पले चुनेका हुन् ।

अमेरिकाको विस्कन्सिन राज्यमा हुने रिपब्लिकन पार्टीको राष्ट्रिय सम्मेलनको दौरानमा यस्तो घोषणा गरिएको रुसी विश्व च्यानल आरटीले उल्लेख गरेको छ । भेन्सले मरिन क्रप्समा जोडिएर इराकी युद्ध रिपोर्ट पनि गरेको अनुभव लिएका छन् ।

उनी सन २०२३ मा ओहियोका सिनेटर भएका थिए । भेन्स सन २०१६ मा ट्रम्पका आलोचना थिए । पछि भने उनको पक्षमा लागेका थिए ।