पौडी खेल्ने क्रममा डुवेर बेपत्ता भएका युवकको शव फेला

काठमाडौं । पौडी खेल्ने क्रममा डुवेर बेपत्ता भएका युवकको शव फेला परेको छ ।

कास्कीको पोखरा महानगरपालिका–२३ घाँटीछिनास्थित हर्पन खोलामा डुवेर बेपत्ता भएका युवकको शव सशस्त्र प्रहरीको गोताखोरले साउन १ गते दिउँसो करीव ३ बजे फेला पारेको हो ।

धादिङको त्रिपुरासुन्दरी गाउँपालिका–७ घर भई पोखरा महानगरपालिका–८ नागढुङ्गा बस्ने २५ वर्षिय सन्तोष सिंहखडा पौडी खेल्ने क्रममा सो खोलामा डुवेर बेपत्ता भएका थिए ।

सशस्त्र प्रहरी बल नेपाल नं। २४ कालिका गण कास्कीबाट गोताखोरसहितको विपद् व्यवस्थापन टोलीले डिप ड्राइभ गरी झण्डै २० फिट गहिराईबाट उनको शव बाहिर निकालेको हो ।

उनको शव पोष्टमार्टमको लागि पोखरा स्वास्थ्य विज्ञान प्रतिष्ठान पठाइएको छ ।