अमरदीप सुनुवारको तीज गीत ‘गाउँदेखि शहर’, प्रियंका काकीसँगै नाँच्ने रहर

काठमाडौं । कविता र गीती लेखनमा जम्न थालेका नेपाल सरकारका उपसचिव अमरदीप सुनुवार यसपटक तीज गीत लिएर आएका छन् ।

त्रिभुवन विमानस्थल अध्यागमन कार्यालयमा कार्यरत सुनुवारले लेखेको ‘गाउँदेखि शहर’ तीज गीत मंगलवारदेखि ओएसआर युट्युव च्यानलबाट सार्वजनिक भएको हो ।

गाउँघरका ढिकी जाँताको कुरादेखि मेलापात र शहरी जीवनको समेत मिश्रण गरिएको यो तीज गितमा नायिका प्रियंका कार्कीले अभिनय गरेकी छन् । मन्मा बी राईको स्वर र अशोक मुकारुङको संगीत रहेको यो तीज गितको निर्देशन जिबी आग्रीले गरेका छन् ।

यो वर्षको उत्कृष्ट तीज गितका रुपमा ‘गाउँदेखि शहर’ स्थापित हुने आशा निर्माताले व्यक्त गरेका छन् । तीज नृत्यका लागि उपयोगी हुनेगरी एरेन्ज गरिएको संगीतकारले बताएका छन् । गीत रिलिज भएको १६ घण्टाभित्रै ३८ हजारले हेरिसकेका छन् ।