सर्वेक्षणले देखायो नेपालमा २ प्रतिशत किशोर-किशोरीले १५ वर्ष नपुगी राख्छन् यौनसम्पर्क
नेपाल प्रेस
२०८१ साउन ४ गते १३:३१
काठमाडौं । नेपालका १५ वर्ष उमेर नपुगेका किशोर-किशोरीहरूको यौन सम्पर्क हुने तथ्याङ्क सार्वजनिक भएको छ ।
अमेरिकी सरकारको सहयोगमा स्वास्थ्य मन्त्रालयले सन २०२२ मा गरेको जनसाङ्ख्यिक तथा स्वास्थ्य सर्वेक्षणले यस्तो देखाएको हो ।
सर्वेक्षण अनुसार १५ वर्ष भन्दा अगाडि समान २ प्रतिशत किशोर तथा किशोरीहरूको यौन सम्पर्क हुने देखिइएको छ ।
यस्तै १५ वर्ष नपुगी विवाह पनि हुने गरेको देखिएको छ । तथ्याङ्क अनुसार १ प्रतिशत किशोर तथा ३ प्रतिशत किशोरीहरूको विवाह १५ वर्ष उमेर नपुग्दै हुने देखिएको छ ।
यस्तै १५ देखि १९ वर्षको उमेरका किशोरीहरूको गर्भावस्थाको तथ्याङ्क पनि सार्वजनिक भएको छ ।
तथ्याङ्क अनुसार १४ प्रतिशत किशोरीहरूको गर्भावस्था भएको देखिएको छ भने १० प्रतिशतले बच्चा जन्माएका थिए ।
नेपाल प्रेस
प्रकाशित: २०८१ साउन ४ गते १३:३१
प्रतिक्रिया
सम्बन्धित खवर
