वुमन्स एसिया कप : भारतले पाकिस्तानलाई हरायो

काठमाडौं । श्रीलङ्कामा शुक्रबारदेखि सुरु हुने एसिया कप टी-२० महिला क्रिकेटमा भारतले पाकिस्तानलाई ७ विकेटले पराजित गरेको छ । पाकिस्तानले दिएको १०९ रनको लक्ष्य पछ्याएको भारतले १४ ओभर १ बलमा ३ विकेट गुमाएर पूरा गर्यो ।

त्यसअघि श्रीलङ्काको रंगिरी डम्बुला अन्तर्राष्ट्रिय क्रिकेट मैदानमा टस जितेर पहिला ब्याटिङ गरेको पाकिस्तान १९ ओभर २ बलमा १०८ रनमा समेटिएको थियो । जितसंगै २ अंक जोड्दै भारत समूह ’ए’ को शीर्ष स्थानमा उग्लिएको छ । समान अंक रहेको नेपाल दोस्रो स्थानमा छ । पाकिस्तान र युएई अंकविहीन छन् ।