न्यूरोडवासीले जलाएको पुत्ला बालेनको प्राेफाइल पिक्चर

काठमाडौं । काठमाडौं महानगरपालिकाका मेयर बालेन साहले आफनो फेसबुकको प्रोफाइल फोटो परिवर्तन गरेका छन् ।

आफनो व्यक्तिगत फेसबुकको प्रोफाइल परिवर्तन गरेका हुन् । उनले पुरानो फोटो हटाएर आफनै पुत्ला दहन गर्दै गरेको फोटो राखेका छन् ।

शुक्रबार न्यूरोडमा फुटपाथ विस्तारको विरोध गर्दै स्थानीयले उनको पुत्ला दहन गरेको थियो ।

सोही क्रममा खिचिएको फोटो अहिले आफनो प्रोफाइल राखेका हुन् । शुक्रबारदेखि स्थानीय फुटपाथको विरोध गर्दै आन्दोलित बनेका छन् । मेयर साहले पनि विरोध जनाउँदै उक्त तस्बिर आफनो वालमा राखेका हुन् ।

साथै उनले स्माइलवाला इमाेजी पनि राखेका छन् । उनको यो व्यक्तिगत खातामा ३ लाख ३८ हजार फलोअर्स छन् ।

बालेनकाे अर्काे फेसबुक पेज छ ।  जसमा  २० लाख फलाेअर्स छन् ।