कविता : थोत्रो नौमती

क्रान्ति र क्रान्तिकारी विरुद्ध
थोत्रो नौमती बजाउनु मुर्खता हो
सौताबाजी गर्नु भुल हो
त्यसैले कमरेट
त्यसैले कमडेड
बरालिनु हुँदैन विनालक्ष
छुट्टिनु हुँदैन अचेतमा
उफ्रनु हुँदैन कम वजनले
कतै पुर्‍याउादैन रोदनले
यहीँ भन्छ महापतनले

तिमी भागेर गयौ
हामीबाट आकाश खसाल्छु भनेर
थाक्दा सम्म
हाम्रा विरुद्धमा
बजाउनु बजायौ
तिम्रो थोत्रो नौमती
हामी गम्भीर भयौ
क्रान्ति पक्षधरमा
हामी विश्वस्त दृढ भयौ
हाम्रो रणनीतिमा

त्यसैले त
तिमीले थोत्रो नौमती
बजाएको वास्ता नगरी
कोदालो बोक्यौ,धान रोप्यौ
आत्मनिर्भर बनेर पार्टी चलायौ
तिम्रो आत्मरति र आत्मरक्षाको बेला
हामी अभिभावक बनेर
नेतृत्व गर्दैछौं नेपाली कम्युनिस्टको
हामी नेतृत्व गर्दैछौं
नेपाली विशेषताको समाजवादको
आउ बरु सचेत भएर
एकीकृत जनक्रान्तिको बाटोमा
अनिश्चय,रक्षा ,सम्भावना र रुपान्तरणलाई
आत्मसात गरेर
कमरेट र कमडेडको
थोत्रो नौमतीले
बिचल्ली बनाउछ ।

-रमेश सी विक्रान्त
५ साउन २०८१