कीर्तिपुर नगरपालिकाका मेयर नकर्मीको निधन
नेपाल प्रेस
२०८१ साउन ११ गते ८:३१
काठमाडौं । काठमाडौंको कीर्तिपुर नगरपालिकाका मेयर राजकुमार नकर्मीको निधन भएको छ ।
नकर्मीको उपचारको क्रममा गएराति ९ बजे बीर अस्पतालमा निधन भएको नगरपालिकाका प्रमुख प्रशासकीय अधिकृत माधव प्रसाद ढकालले बताए ।
उनले नेपालप्रेसलाई भने,‘लामो समयदेखी मृगाैलासम्बन्धी रोगबाट उहाँ पीडित हुनुहुन्थ्याे। हिजो उहाँकाे बीर अस्पतालमा निधन भएकाे हाे । उपचारको क्रममा बेलुका ९ बजे निधन भएको हो ।’ उनका अनुसार उनी लामाे समयदेखि मृर्गौलाको विरामी थिए ।
नकर्मीको पार्थिव शरीर अन्तिम श्रद्धाञ्जलीका लागि बिहान ९ बजेबाट कीर्तिपुर नगरपालिकाको कार्यालय प्राङ्गणम राख्ने तयारी भइरहेको उनले बताए ।
नगरपालिकाले आज एक सूचना जारी गरी नकर्मीको निधनमा नगरपालिकाले शोक बिदा दिइएको जनाएको छ ।
नेपाल प्रेस
प्रकाशित: २०८१ साउन ११ गते ८:३१
प्रतिक्रिया
सम्बन्धित खवर
