मिस माल्टा २०२४ सहितको टोली नेपाल भ्रमणमा

काठमाडौं । मिस माल्टा २०२४ सहितको टोली नेपाल भ्रमणमा आएको छ । मिस माल्टा चेरिज स्पिटेरीसहित अन्य सदस्यहरु केर्स्टन बोर्ग, डेनियल जम्मिट, एलेक्सिया कटजर र क्यारोलिना सिउबोटारु पनि नेपाल आएका हुन् ।

नेपालमा रहँदा मिस माल्टाको टोलीले विभिन्न गैरसरकारी संस्थाहरूसँग मिलेर सामाजिक कार्य गर्नेछन् । यस्तै उनीहरू मिस नेपालको ग्राण्ड फिनालेमा पनि सहभागी हुने जनाइएको छ ।

यस्तै मिस माल्टाको टोलीले संस्कृति, पर्यटन तथा नागरिक उड्ययनमन्त्री लगायतसँग भेटवार्ता गर्ने तय भएको छ ।

नेपाली कामदारहरूको पछिल्लो समय माल्टामा बढ्दो उपस्थितिकै बीच मिस माल्टाको टोलीले गर्न लागेको भ्रमणले माल्टामा नेपालको पर्यटन प्रवर्द्धनमा सहयोग पुग्ने विश्वास लिइएको छ ।

टोली नेपाल भ्रमण पूरा गरेर साउन २२ मा स्वदेश फर्किनेछ ।