जुडोकी मनिता पनि पहिलो खेलमै निराश

काठमाडौं । नेपालकी जुडो खेलाडी मनिता श्रेष्ठले फ्रान्सको पेरिसमा जारी ओलम्पिक खेलकुदको पहिलो खेलमै पराजय व्यहोरेकी छन् । ५७ केजी तौल समूहमा प्रतिस्पर्धा गरेकी मनिताले सर्वियाकी मारिका पेरिसिचसँग हार व्यहोरिन् ।

जारी ओलम्पिकमा नेपालबाट सहभागी टेबल टेनिसका स्यान्टु श्रेष्ठ, पौडीकी डुवाना लामा र सुटिङकी सुस्मिता नेपाल पहिलो चरणबाटै बाहिरिइसकेका छन् ।