जापानी स्टार होन्डा पारो एफसीमा आवद्ध, यसै महिना नेपाल आउने
नेपाल प्रेस
२०८१ साउन १४ गते २१:५८
काठमाडौं । जापानी स्टार केसुके होन्डा नेपाल आउने भएका छन् । भुटानको पारो फुटबल क्लब (एफसी) मा आवद्ध भएसंगै उनी नेपाल आउने पक्का भएको हो ।
पारो एफसीले साउन २९ गते नेपालमा एएफसी च्यालेन्ज लिगको प्लेअफ खेल्दै छ । उक्त खेल दशरथ रंगशालामा हुनेछ । पारो एफसीले नेपालको लिग विजेता चर्च ब्वाइज युनाइटेड क्लबसंग प्रतिस्पर्धा गर्नेछ ।
उक्त खेलका लागि पारोले जापानी मिडफिल्डर होन्डालाई अनुबन्ध गरेको हो । पारो एफसीमा सामेल हुने होन्डाको निर्णयले भुटानमा उत्कृष्टता बढाउन र फुटबलको प्रवर्द्धन गर्ने क्लबको विश्वास छ ।
नेपाल प्रेस
प्रकाशित: २०८१ साउन १४ गते २१:५८
प्रतिक्रिया
सम्बन्धित खवर
