कैलालीमा पूर्व एसएसपीको अध्यक्षतामा विष्ट कल्याणकारी सभाको तदर्थ समिति गठन

धनगढी । कैलालीमा सशस्त्र प्रहरीका पूर्व एसएसपी मदनसिंह विष्टको अध्यक्षतामा विष्ट कल्याणकारी सभाको तदर्थ समिति गठन गरिएको छ । शनिबार धनगढीमा ज्येष्ठ सदस्य नारायणसिंह विष्टको अध्यक्षतामा बसेको भेलाले उनको अध्यक्षतामा तदर्थ समिति गठन गरेको हो ।

तदर्थ समितिको उपाध्यक्षमा जयसिंह विष्ट, सचिवमा पदमसिंह विष्ट, सहसचिवमा लिला विष्ट र कोषाध्यक्षमा आनन्दसिंह विष्टलाई चयन गरिएको छ । सदस्यमा जयबहादुर विष्ट, शंकरसिंह विष्ट, जगदिश विष्ट, जनकसिंह विष्ट, जगदिशसिंह विष्ट, साधना विष्ट र गोपाल विष्ट चयन भएका छन् ।

विष्ट कल्याणकारी सभाको सल्लाहरकारमा ज्येष्ठ सदस्य नारायणसिंह विष्ट, मदनसिंह विष्ट, हिमालय विष्ट, हर्कबहादुर विष्ट र पदमसिंह विष्टलाई राखिएको छ । शनिबार गठन भएको तदर्थ समितिले अगामी ६ महिनाभित्र अधिवेशन गरेर नयाँ कार्य समिति चयन गर्नेछ ।

तदर्थ समितिका अध्यक्ष मदनसिंह विष्टले छरिएर रहेका बिष्ट समुदायबीचको आपसी भाइचारा कायम गर्न तथा दुःख, सुखमा एकअर्कालाई सहयोग गर्दै सामाजिक उत्तरदायित्वका लागि विष्ट कल्याणकारी सभा गठन गरिएको जानकारी दिए । सभा गठनपछि बसेको पहिलो बैठकले विष्ट समुदायको एकताका लागि सभा गठन गर्न भूमिका खेल्ने सबैलाई धन्यवाद समेत ज्ञापन गरेको छ ।