कालोपुलमा पूर्व श्रीमानसँग मिलेर २० वर्षीय युवकको हत्या

काठमाडौं । काठमाडौंको कालोपुलमा एक युवकको हत्या भएको छ । ओखलढुंगाको लिखु–९ का २० वर्षीय प्रेम महत दर्जीको घाँटीमा सलले कसेर हत्या भएको काठमाडौं प्रहरी परिसर प्रवक्ता नवराज अधिकारीले जानकारी दिए ।

प्रहरीका अनुसार प्रेम ओखलढुंगाकै २४ वर्षीय उषा नेपालीसँग विगत एक महिनादेखि श्रीमान–श्रीमती भएर त्यहाँ डेरा लिएर बस्दै आएका थिए ।

प्रहरीले प्रेमको हत्या गरेको अभियोगमा उषा र ओखलढुंगाकै २७ वर्षीय मदन रम्तेललाई पक्राउ परेको छ । प्रारम्भिक अनुसन्धानमा मदन, उषाका पूर्वश्रीमान रहेको पाइएको छ ।

एसपी अधिकारीले प्रारम्भिक अनुसन्धानमा उषा र मदन मिलेर प्रेमको हत्या भएको पाइएको बताए । ‘हामी अनुसन्धान गरिरहेका छौँ । अहिले हेर्दा दुई जना मिलेर हत्या गरेजस्तो देखिन्छ’, उनले भने ।