मुख्यमन्त्री शाहको शपथ आज, नाउपासहितलाई समेटेर सरकार विस्तारको तयारी

कैलाली । सुदूरपश्चिम प्रदेशका मुख्यमन्त्री कमलबहादुर शाहले आज शपथ लिने भएका छन् । दिउँसो ३ बजे प्रदेश प्रमुख कार्यालयमा प्रदेश प्रमुख नजिर मियाँले शाहलाई पद तथा गोपनीयताको शप गराउने तय भएको छ । कांग्रेसका १८ र एमालेका ११ सांसदको समर्थनमा शाह हिजो मुख्यमन्त्री नियुक्त भएका थिए ।

आज मुख्यमन्त्रीको शपथसँगै सरकार विस्तारको पनि तयारी भइरहेको छ ।

कांग्रेसले मुख्यमन्त्री र अन्य दुई मन्त्रालय साथै एमालेले ३ मन्त्रालय पाउने सहमति बनेको छ । एक मन्त्रालय नाउपालाई दिने गरी छलफल भइरहेको छ । कांग्रेस र एमाले मन्त्री छनोटको आन्तरिक तयारीमा जुटेका छन् ।