एकैदिन तोलामा २३ सय घट्यो सुनको भाउ

काठमाडौं । सोमबार कीर्तिमान कायम गरेको सुनको भाउ आज तोलामा २ हजार ३ सय घटेको छ ।

सोमबार प्रतितोला एक लाख ५० हजार कायम भई सुनको मूल्य हालसम्मकै उच्च बिन्दुमा पुगेको थियो । नेपाल सुनचाँदी व्यवसायी महासंघका अनुसार, छापावाला सुन आजका लागि प्रतितोला एक लाख ४७ हजार ७ सय निर्धारण भएको छ ।

तेजाबी सुन प्रतितोला एक लाख ४७ हजार कायम भएको छ । सोमबार तेजाबी सुन प्रतितोला एक लाख ४९ हजार ५ सयमा कारोबार भएको थियो ।

चाँदीको मूल्य पनि तोलामा ६० ले घटेको छ । सोमबार चाँदी प्रतितोला एक हजार ७ सय ८५ मा कारोबार भएकामा आजका लागि एक हजार ७ सय २५ निर्धारण भएको छ ।