हिन्दू नेताको हत्या, महिला अपहरण, मन्दिरमा आक्रमण बढ्यो : विश्व हिन्दू महासंघ बंगलादेश शाखा

काठमाडौं । विश्व हिन्दू महासंघ बंगलादेश शाखाले शेख हसिनाको बहिर्गमनसँगै हिन्दूहरुमा ज्यादती भएको बताएको छ । महासंघले एक विज्ञप्ति जारी गरेर यस्तो बताएको छ ।

महासंघका अनुसार बंगलादेशका साढे दुई करोड हिन्दूहरु भएकोमा हसिनाको बहिर्गमनपछि धेरै हिंसा भएको छ । ३९ जिल्लामा हिन्दू महिलाको अपहरण भएको छ ।

यस्तै बंगलादेशको रंगपुर क्षेत्रका दुई काउन्सिलर पदका हिन्दूहरु को हत्या गरिएको महासंघले बताएको छ । हत्या भएकाहरूमा हरधन रोय तथा काजल रोय रहेका छन् ।

यस्तै महासंघले बंगलादेशका विभिन्न जिल्ला तथा क्षेत्रहरूमा लुटपाट भएका, जलाइएका र कब्जा गरिएका घर तथा सम्पत्तिबारेमा पनि विज्ञप्तिमा जानकारी दिएको छ ।

बंगलादेशका हिन्दू अल्पसङ्ख्यकहरूमाथि भएको दमनको बंगलादेशी अखबारहरूले लेखिरहेका छन् ।

बंगलादेशमा भएका यूरोपेली देशहरूका कूटनीतिज्ञहरूले पनि मङ्गलवार चिन्ता तथा चासो प्रकट गरेर संयुक्त विज्ञप्ति निकालेका थिए भने भारत सरकारले पनि चासो देखाएको छ ।