‘हेमबहादुर मल्ल सम्मान’ डा. भेषबहादुर थापालाई

काठमाडौं । ‘हेमबहादुर मल्ल सम्मान २०७९’ डा. भेषबहादुर थापालाई प्रदान गरिएको छ । बुधबार राष्ट्रपति रामचन्द्र पौडेलले ‘हेमबहादुर मल्ल सम्मान २०७९’ डा. थापालाई हस्तानतरण गरिएको हो ।

गत सोमबार साल्ट ट्रेडिङ कर्पोरेसन लिमिटेड संस्थाका प्रेसिडेन्ट एव कुशल व्यवस्थापक स्व. हेमबहादुर मल्लको स्मृतिमा नेपाल जन–प्रशासन संघले स्थापना गरेको ‘हेमबहादुर मल्ल सम्मान’ डा. थापालाई प्रदान बताएको थियोे ।

प्रत्येक वर्ष प्रदान गरिँदै आइएको दुई लाख रुपैयाँ नगद राशिको ‘हेमबहादुर मल्ल सम्मान’ यस वर्ष पाँच दशकसम्म निरन्तर सार्वजनिक जीवनका आर्थिक, प्रशासनिक, प्राज्ञिक र कूटनीतिक क्षेत्रमा नेतृत्वदायी भूमिका निर्वाह गर्दै आएका डा।भेषबहादुर थापालाई प्रदान गरिएको हो ।

संस्थागत विकास र अन्तर्राष्ट्रियस्तरमा नेपालको राष्ट्रिय हित र श्रीवृद्धिको लागि पुर्याएको योगदानको कदरस्वरूप हेमबहादुर मल्ल सम्मान २०७९ डा. थापालाई प्रदान गरिएको संस्थाले जनाएको छ ।

जन–प्रशासन संघका अनुसार मल्ल सम्मानको छनोटका लागि नेपाल सरकारका पूर्व सचिव एवं पूर्व अर्थ मन्त्री शंकरप्रसाद कोइरालाको संयोजकत्वमा एक सम्मान छनोट समिति गठन गरिएको थियो ।

त्यस्तै, समितिमा नेपाल जनप्रशासन संघका तत्कालीन अध्यक्ष कृष्णहरि बास्कोटा, साल्ट ट्रेडिङ कर्पोरेसन लिमिटेडका अध्यक्ष प्रदीपलाल श्रेष्ठ, सचिव विन्दु विष्ट र पूर्व सचिव शिशिरकुमार ढुंगाना सदस्य रहेका थिए ।