बंगलादेशी प्रधानमन्त्री युनुसको शपथ आज हुँदै, १५ सदस्य मन्त्रीमण्डल बन्ने

काठमाडौं । बंगलादेशको अन्तरिम सरकारका प्रधानमन्त्री महोमद युनुसको आज शपथग्रहण हुने भएको छ । बंगलादेशी अखबार डेली स्टारका अनुसार आज स्थानीय समय अनुसार राति ८ बजे शपथग्रहण हुने भएको छ ।

उनको शपथग्रहण समारोहमा ४०० जना सहभागी हुने बताइएको छ । सेनापति वाकर उज जमानले यस्तो सूचना बुधवार साँझ दिएका हुन् । सेनापति जमानले अन्तरिम सरकार १५ सदस्य हुने बताएका छन् । तर, को-को हुने र कति कार्यकालको हुने भन्नेमा भने उनले कुनै जानकारी सार्वजनिक गरेका छैनन् ।

देशभर तीनचार दिनमा सामान्य स्थिति आउने भन्दै सेनापति जमानले आफूले अन्तरिम सरकारका प्रमुख युनुससँग कुरा गरेको र उनलाई सबै दलहरू तथा विद्यार्थीहरूको साथ हुने आशा भएको बताए ।

उनले बंगलादेशको सैनिक मुख्यालयमा पत्रकारसँग बोल्दै जमानले भनेका छन्, ‘मलाई उनीसँग कुरा गर्दा धेरै खुशी लाग्यो । मलाई लाग्यो उनी नयाँ जिम्मेवारी लिन धेरै इच्छुक छन् । मलाई आशा छ उहाँले हाम्रो प्रजातान्त्रिक प्रक्रियामा नेतृत्व गर्न सफलता दिलाउनु हुनेछ ।’