कर्णालीका योजना आयोगका पदाधिकारीले लिए शपथ
नेपाल प्रेस
२०८१ साउन २४ गते १३:५६
सुर्खेत । कर्णाली प्रदेश योजना आयोगका उपाध्यक्ष सूर्यनाथ योगीले पद तथा गोपनीयताको शपथ ग्रहण गरेका छन् ।
बिहीबार मुख्यमन्त्री यामलाल कँडेलले शपथ गराएका हुन् ।
बुधवार बसेको कर्णाली प्रदेश मन्त्रिपरिषद्को बैठकले योगीलाई प्रदेश योजना आयोगको उपाध्यक्षमा नियुक्त गर्ने निर्णय गरेको थियो ।
यस्तै, सदस्यहरुमा मुगुको छायाँनाथ रारा नगरपालिका-५, का डम्बर रावल र कालिकोटको रास्कोट नगरपालिका–३ का अशोकनाथ योगी नियुक्त भएका छन् ।
उपाध्यक्ष नियुक्त भएका योगी र रावल एमालेको कोटाबाट नियुक्त भएका हुन् भने सदस्य योगी नेपाली कांग्रेसको कोटाबाट नियुक्त भएका हुन् ।
उपाध्यक्ष योगी दैलेखको गमौडीमा जन्मिएका हुन् भो उनी हाल वीरेन्द्रनगर नगरपालिका–४, निवासी हुन् ।
नेपाल प्रेस
प्रकाशित: २०८१ साउन २४ गते १३:५६
प्रतिक्रिया
सम्बन्धित खवर
