भारतका नीरजलाई पछि पार्दै पाकिस्तानका अर्सदले जिते ओलम्पिकमा स्वर्ण

काठमाडौं। पाकिस्तानका ज्याभ्लिन थ्रो खेलाडी अर्सद नदिमले पेरिस ओलम्पिकमा स्वर्ण जितेका छन्।

साबिक विजेता भारतका नीरज चोप्रालाई पछाडि पार्दै नदिमले स्वर्ण पदक जितेका हुन्।

ओलम्पिक इतिहासमा पाकिस्तानले व्यक्तिगत स्पर्धामा स्वर्ण जितेको यो पहिलो पटक हो।

अर्सदले ९२.९७ मिटर दुरी निकाल्दै ओलम्पिक कीर्तिमान पनि बनाएका छन्। भारतका निरजले ८९.४५ मिटर दुरी निकालेका थिए।