रास्वपाले जलनसम्बन्धी गैरसरकारी विधेयक दर्ता गर्ने, टीआरसी विधेयकमा समर्थन (भिडिओ)

काठमाडौं । राष्ट्रिय स्वतन्त्र पार्टीले जलनसम्बन्धी गैरसरकारी विधेयक दर्ता गर्ने तयारी गरेको छ।

आज बसेको संसदीय दलको बैठकपनि सम्भव भएसम्म आजै विधेयक दर्ता गर्ने तयारी गरेको प्रमुख सचेतक सन्तोष परियारले बताए।

उनले भने, ‘हामीले जलनसम्बन्धी गैरसरकारी एउटा विधेयकको तयारी गरेको छ। त्यो विधेयकका अन्तिम छलफल आज चलिरहेको छ। जलनसम्बन्धी विधेयक अन्तिम छलफल हुँदै छ र सम्भवतः आज नै दर्ता गछौं।’

उनले आज प्रतिनिधिसभामा पेश हुने संक्रमणकालीन न्यायसम्बन्धी विधेयक टीआरसी विधेयकको समर्थनमा बोल्ने बताए।

उनले भने, ‘टीआरसी विधेयक सर्वसहमतिले प्रतिनिधिसभामा प्रस्तुत गर्ने भनिएको छ, त्यसमा नेताहरू बोल्दा समर्थनमा बोल्ने कुरा भएको छ।’

उनले बैठकमा आगामी दिनमा संसदको गतिविधिहरू कसरी प्रभावकारी बनाउने भन्ने बिषयमा बैठकले निर्णय लिने बताए।