दक्षिण भारतीय ‘फ्लेवर’ मा रावायणको शीर्षक गीत सार्वजनिक (भिडिओ)

काठमाडौं । सुदर्शन थापा निर्देशित महत्वाकांक्षी चलचित्र ‘रावायण’ को टाइटल गीत युट्यूवमा रिलिज गरिएको छ । गीतमा शब्दहरु नेपाली भए पनि संगीत, गायन र भिडिओमा दक्षिण भारतीय चलचित्रको फ्लेवर आउँछ ।

भारतीय संगीतकार रेवन आरती सिंहले कम्पोज गरेको गीतलाई बलिउड गायक नकाश अजिजले स्वर दिएका हुन् । कृष्णहरी बरालले कोरेका शब्दहरु दमदार भए पनि संगीत र आवाजका कारण झट्ट सुन्दा गीत नेपालजस्तो लाग्दैन । अजिजले नेपाली शब्दहरु असुद्ध उच्चारण गरेका छन् । उनलाई सौरभ रोखन्डे र रेवन आरती सिंहले गायकीमा साथ दिएका छन् ।

भव्य सेट र ठूलो कोरस टीममा गरिएको गीतको छायांकन निकै खर्चिलो देखिन्छ । तर, नेपालीपनको पूर्णरुपमा अभाव छ । विक्रम स्वारले गीतको कोरियोग्राफी गरेका हुन् । नेपालकै नृत्य निर्देशक विक्रम स्वारले गीतको कोरियोग्राफी गरेका हुन् ।

गीतमा नायक पल शाह र नायिक पुजा शर्मा फिचर्ड छन् । पल शाहलाई दुईवटा रुपमा देखाइएको छ । पल र पूजा दुवैले नृत्यमा भरपुर मिहिनेत गरेका छन् ।

यो चलचित्रको टिजर केही दिनअगाडि मात्र सार्वजनिक गरिएको थियो । गीत मात्र नभएर सिंगै चलचित्र दक्षिण भारतीय प्रभाव रहेको फस्र्ट लुकबाट अनुमान गरिएको छ ।

पल शाह अघि यो चलचित्रमा नायक अनमोल केसी अनुवन्धित भएका थिए । पछि उनले बैना रकम फिर्ता गरेर चलचित्रबाट हात झिकेका हुन् ।

भिडिओ