बंगलादेशका राष्ट्रपति रहमानको स्मृति दिवस मनाउन बलपूर्वक रोक्दै विद्यार्थी

काठमाडौं । सन १९७१ मा पूर्वी पाकिस्तानबाट स्वतन्त्र बंगलादेश बनाउने नेतृत्वकर्ता बङगबन्दु शेख मुजिबर रहमानको स्मृति दिवस हो ।

न १९७५ अगस्ट १५ मा बङ्गलादेशी सेनाबाट हत्या गरिएका रहमानको ४९ औँ स्मृति दिवस मनाउन रहमानको आवास क्षेत्र धनबन्दु ३२ मा जान लागेका सर्वसाधारणहरूलाई हातमा लाठी लिएका विद्यार्थीहरूले रोकेका छन् ।

उनीहरूले रहमानलाई सम्मान गर्न निषेध गरेका छन् । बङ्गलादेशी अखबार डेली स्टारका अनुसार रहमानको घरतर्फ जानेहरूलाई आक्रमण गरिएको पनि देखिएको छ ।

आइडी कार्ड जाँच गर्दै धमाधम मान्छेहरू रोकिएको र शंका लागेकाहरूलाई आक्रमण गरिएको बताइएको छ ।

एक जना अवामी लिगका समर्थक भएका मान्छेलाई विद्यार्थीहरूले पक्राउ गरेर सेनालाई बुझाएको डेली स्टारले लेखेको छ ।

गत साउन २१ मा प्रधानमन्त्री शेख हसिना बङ्गलादेश छोडेर भारत पुगेपछि बङ्गलादेशका राष्ट्रपिता रहमानका सालिकहरू ढाल्न थालिएका थिए ।

कतिपय सालिकहरू सेनाले नै ढालेका भिडिओहरू पनि सार्वजनिक भएका थिए ।