२० वर्ष लगाएर भारतले जम्मुमा बनायो आइफिल टावर भन्दा ३५ मिटर अग्लो रेल वे पुल

काठमाडौं । भारतले २० वर्ष लगाएर जम्मु क्षेत्रमा एक अग्लो पुल बनाएको छ ।

फ्रान्सको राजधानी पेरिसमा भएको आइफिल टावर भन्दा ३५ मिटर अग्लो रेल वे पुल विश्वको सबैभन्दा अग्लो सिंगल आर्क रेल वे पुल भएको बेलायती विश्व च्यानल बीबीसीले उल्लेख गरेको छ ।

जम्मुको चेनव नदिमाथि बनेको पुल रेइसी जिल्लामा भएको बताइएको छ । २७२ किलोमिटर लामो जम्मु क्षेत्रको बाह्रमासे रेल वे अन्तर्गत यो पुल बनेको बताइएको छ ।

कास्मिर जान हालसम्म मौसमले तनाव दिने सडक मात्रै भएकोमा भारतले यस्ता पुल बनाएर रेल वेबाट जोड्ने क्रममा सक्रियता जनाएको छ ।

भारतको पाकिस्तान तथा चीनसँग जोडिएको कास्मिरको तनावग्रस्त सीमा क्षेत्रको पुलले भारतलाई रणनीतिक फाइदा दिने बताएको बीबीसीले उल्लेख गरेको छ । यो पुलले २६६ किलोमिटर प्रतिघण्टाको दरको गतिको रेललाई धान्न सक्ने बताइएको छ ।